Sóknarmaðurinn Alfreð Finnbogason hefur ekki enn spilað frá því að þýska úrvalsdeildin hófst aftur eftir kórónuveirufaraldurinn í síðasta mánuði.
Alfreð hefur verið að glíma við meiðsli, en hann ætti að vera klár í slaginn gegn Köln á sunnudaginn. Heiko Herrlich, þjálfari Augsburg, sagði á blaðamannafundi í dag að hann væri vongóður um að Alfreð gæti spilað á sunnudaginn.
Alfreð, sem er 31 árs, hefur á þessu tímabili skorað þrjú mörk í 16 leikjum, þar af átta byrjunarliðsleikjum. Meiðsli hafa strítt honum.
Augsburg er í 13. sæti þýsku úrvalsdeildarinnar, fjórum stigum frá fallsvæðinu.
Samúel Kári Friðjónsson, leikmaður Paderborn sem er í botnsæti þýsku úrvalsdeildarinnar, hefur einnig ekkert spilað eftir að þýska úrvalsdeildin fór aftur af stað. Hann hefur einnig verið að glíma við meiðsli, en í síðasta mánuði byrjaði hann aftur að æfa. Hann hefur hins vegar ekkert spilað og ekkert verið í hóp. Hvort það breytist gegn RB Leipzig á morgun á eftir að koma í ljós.
FC Augsburg: Finnbogason wieder bereit für die Torejagd in der Bundesligahttps://t.co/CcmgBskaaF
— LigaInsider (@ligainsider) June 5, 2020
Athugasemdir