Sebastian Haugland er farinn heim.
Er Aron Einar að koma heim?
Norski framherjinn Sebastian Haugland hefur yfirgefið Þór Akureyri af persónulegum ástæðum.
Fram kemur á Vísi að fjölskylda hans hafi orðið fyrir áfalli á dögunum og Sigurður Heiðar Höskuldsson, þjálfari Þórs, býst ekki við Haugland til baka.
Þórsarar hafa ekki unnið leik síðan Haugland tryggði liðinu sigur á Fram í þriðju umferð með glæsilegu marki. Hann hefur að öðru leyti ekki staðið undir væntingum. Þór er stigi fyrir ofan fallsæti í Bestu deildinni.
Fram kemur á Vísi að fjölskylda hans hafi orðið fyrir áfalli á dögunum og Sigurður Heiðar Höskuldsson, þjálfari Þórs, býst ekki við Haugland til baka.
Þórsarar hafa ekki unnið leik síðan Haugland tryggði liðinu sigur á Fram í þriðju umferð með glæsilegu marki. Hann hefur að öðru leyti ekki staðið undir væntingum. Þór er stigi fyrir ofan fallsæti í Bestu deildinni.
Eins og fjallað hefur verið um á Vísi hafa höggin verið að dynja á Þór.
Atli Sigurjónsson er tognaður aftan í læri og spilar ekki á næstunni, Christian Greko Jakobsen var dæmdur í tveggja leikja bann á síðasta agafundi og þá ökklabrotnaði lykilmaðurinn Isaac Atanga í leiknum gegn KA og spilar ekki meira á tímabilinu.
Heimkoma Arons í sumarglugganum?
Í útvarpsþættinum Fótbolti.net var talað um að auknar líkur séu á því að Aron Einar Gunnarsson komi heim í Þór í glugganum.
„Þættinum barst bréf. Það er víst mjög líklegt og sögurnar að verða háværari og háværari um að Aron Einar Gunnarsson sé að fara að koma heim í sumarglugganum," segir Elvar Geir Magnússon. „Hann myndi koma til að lyfta öllu liðinu upp, þeir þurfa að spýta í lófa."
Tómas Þór Þórðarson veltir því fyrir sér hvort Aron, sem er 37 ára, myndi ekki koma sem miðvörður í Þórsliðið.
„Þeir tapa hverjum leiknum á fætur öðrum og eru samhliða FH samkvæmt tölfræðilega lélegasta lið deildarinnar. Þeir hafa ekki náð að nýta góðu kaflana sína og eru lekir til baka. Heimkoma Arons Einars yrði að vera sú lyftistöng sem maður myndi halda að hún væri fyrir Þorpið," segir Tómas Þór.
Þór á feikilega mikilvæga leiki við ÍBV og FH, liðin í fallsætunum, eftir að landsleikjahléinu lýkur.
Besta karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Víkingur R. | 10 | 9 | 1 | 0 | 34 - 6 | +28 | 28 |
| 2. KR | 10 | 8 | 1 | 1 | 38 - 23 | +15 | 25 |
| 3. Fram | 9 | 6 | 2 | 1 | 25 - 16 | +9 | 20 |
| 4. Breiðablik | 9 | 4 | 3 | 2 | 22 - 15 | +7 | 15 |
| 5. Valur | 10 | 5 | 0 | 5 | 19 - 22 | -3 | 15 |
| 6. ÍA | 9 | 3 | 3 | 3 | 12 - 16 | -4 | 12 |
| 7. Keflavík | 9 | 3 | 2 | 4 | 12 - 18 | -6 | 11 |
| 8. KA | 9 | 3 | 1 | 5 | 12 - 15 | -3 | 10 |
| 9. Stjarnan | 10 | 3 | 1 | 6 | 18 - 22 | -4 | 10 |
| 10. Þór | 9 | 2 | 0 | 7 | 7 - 23 | -16 | 6 |
| 11. ÍBV | 9 | 1 | 2 | 6 | 14 - 23 | -9 | 5 |
| 12. FH | 9 | 0 | 2 | 7 | 12 - 26 | -14 | 2 |
