Linta: Eftir markið þá var þetta kannski aðeins of mikill eltingarleikur

„Ég var ánægður með hvernig þetta gekk í fyrri hálfleik" sagði Aleksandar Linta þjálfari ÍBV eftir tapið í kvöld.

„Við vorum mjög þéttir varnarlega og sóknarlega þá áttum við færi sem fór í stöngina. Breiðablik er auðvitað frábært lið og ég vill óska þeim til hamingju með sigurinn og stigin þrjú" 

„Í seinni hálfleik var ég ekki nógu ánægður og þá sérstaklega í upphafi seinni hálfleiks þá vorum við mjög slappir, ekki nógu aggressívir og það var langt á milli manna og það kostaði okkur og við gefum þeim mark" 

„Eftir markið þá var þetta kannski aðeins of mikill eltingarleikur. Við hættum að ná stjórn á boltanum jafn mikið og við vorum að reyna þvinga þetta og ná inn jöfnunarmarki en yfirleitt þegar þú ert að reyna þvinga þetta þá færðu lítið út úr því" 

„Við fengum þó eitt eða tvö færi sem við hefðum mögulega geta náð að koma inn marki en ég var ánægður með frammistöðuna í fyrri hálfleik þó svo ég hafi ekki verið ánægður með úrslitin og seinni hálfleikinn" sagði Aleksandar Linta.

Nánar er rætt við Aleksandar Linta þjálfara ÍBV í spilaranum hér fyrir ofan.