„Strákarnir voru að grínast með að loksins myndi markið mitt koma í dag," sagði Bruno Soares, miðvörður HK eftir sigur á móti Grindavík.
Lestu um leikinn: HK 2 - 1 Grindavík
„Að mínu mati gerði ég ekkert og þetta var ekki víti. Dómarinn ákvað að dæma, nokkrum mínútum seinna náði ég að hjálpa liðinu mínu með þessu mikilvæga marki," sagði sá brasilíski um vítaspyrnu og sigurmarkið sem hann fékk dæmt á sig.
Valgeir Valgeirsson fékk seinna gula spjaldið seint í leiknum. Bruno var alls ekki sammála þeim dómi. Hann gagrýndi einnig dómara á Íslandi almennt.
„Það var magnað. Hann fór fyrst í boltann. Ég er viss um að dómarinn hugsi um það eftir leik. Vonandi í næstu leikjum gera dómararnir betur fyrir bæði lið. Þetta á ekki bara við um okkur. Ég var að ræða það um daginn við annan leikmann. Mitt mat er að dómararnir á Íslandi þurfa að bæta sig mikið."
