Hürzeler: Sköpuðum nóg til að vinna þennan leik

Hann telur sína menn hafa spilað flottan fótboltaleik og hafa gert nóg til að verðskulda sigur, en heppnin hafi ekki verið með þeim.

„Frammistaðan var flott þó að úrslitin hafi ekki verið það. Ef ég horfi á frammistöðuna þá gerðum við nóg til að sigra leikinn. Við sköpuðum nóg af færum og vörðumst vel, við verðskulduðum ekki að tapa. Þeir skoruðu alltof auðveld mörk," sagði Hürzeler að leikslokum.

„Sem betur fer þá erum við, yfir heildina litið, í réttum stigafjölda á stöðutöflunni þó að úrslitin í dag hafi ekki verið sanngjörn."