Gunnar Heiðar Þorvaldsson.
Dramatíkin réði ríkjum er HK kom til baka og vann magnaðan 4-3 sigur á Fjölni í Egilshöllinni fyrr í dag. Útlitið var svart fyrir HK-inga í hálfleik en þá leiddu Fjölnismenn með tveimur mörkum. Þeir Dominik Radic og Jóhann Þór Arnarsson reyndust þó Fjölnismönnum erfiðir og skoruðu tvö mörk hvor.
Gunnar Heiðar Þorvaldsson, þjálfari HK, var að vonum ánægður með úrslitin er hann ræddi við Fótbolta.net eftir leik.
Gunnar Heiðar Þorvaldsson, þjálfari HK, var að vonum ánægður með úrslitin er hann ræddi við Fótbolta.net eftir leik.
Lestu um leikinn: Fjölnir 3 - 4 HK
„Þetta var mjög kaflaskipt. Í fyrri hálfleik vorum við ekki með. Í raun ótrúlegt hversu 'soft' við vorum og eftir á þeim í öllu. Við unnum ekki einn fyrri bolta og ekki einn seinni bolta, við vorum ekki með. Í rauninni vorum við heppnir að vera bara 2-0 undir í hálfleik ef ég á að segja eins og er,“ sagði Gunnar og hélt áfram.
„En í hálfleik fórum við aðeins yfir hlutina og menn voru tilbúnir í það að leggja á sig vinnu, sem er það sem maður þarf að gera til þess að vinna Fjölni hérna í Egilshöllinni. Frábært að svara því bara strax og að ná jöfnunarmarkinu líka.
Svo er þetta víti klaufalegt sem hefði getað snúið þessu í hina áttina aftur en ég var mjög ánægður með hugarfarið og karakterinn í okkur í seinni hálfleik. Við sýndum það virkilega hversu góðir við erum og hversu góðir við getum verið varnarlega líka ef við erum on it,“ sagði Gunnar að lokum.
