U19 hópurinn fyrir EM - Tvær stærstu stjörnurnar fara ekki

Ólafur Ingi Skúlason, þjálfari U19 landsliðsins, hefur opinberað leikmannahópinn sem tekur þátt í lokakeppni EM í júlí.

Tvær stærstu stjörnur liðsins, Kristian Nökkvi Hlynsson og Orri Steinn Óskarsson, eru ekki með. Orri er að glíma við meiðsli og Kristian fékk ekki leyfi frá Ajax til að fara.

Fimm leikmenn frá Stjörnunni fara með og þá eru fjórir leikmenn frá erlendum félagsliðum, þar á meðal Daníel Tristan Guðjohnsen. Daníel er leikmaður Malmö í Svíþjóð en hann lék í gær sinn fyrsta leik í sænsku úrvalsdeildinni.

Lokakeppni EM U19 karla fer fram á Möltu dagana 3. - 16. júlí. Ísland er í riðli með Grikklandi, Noregi og Spáni. Ísland endaði í efsta sæti síns riðils í undankeppni mótsins.