Championship: Jimenez hetjan í bálokin

Úlfarnir unnu dramatískan 1-0 sigur á Sheffield United í ensku B-deildinni á Bramall Lane í dag. Það stefndi lengi í steindautt jafntefli en varamaðurinn Raul Jimenez tryggði gestunum stigin þrjú undir lokin.

Fyrri hálfleikurinn bauð ekki upp á mikla skemmtun en gestirnir voru þó líklegri til að skapa sér eitthvað og voru meira með boltann.

Umdeilt atvik kom upp snemma í seinni hálfleik þegar Mateus Mane vildi fá víti fyrir hendi á Mark McGuinness. Ekkert var dæmt og ekkert VAR var til staðar til að skoða atvikið aftur.

Heimamenn sóttu aðeins í sig veðrið þegar leið á síðari hálfleikinn og Jordan Ayew átti meðal annars skot rétt framhjá.

Liðin höfðu ekki gert markalaust jafntefli sín á milli síðan 1933 og Úlfarnir ætluðu greinilega ekki að endurstilla klukkuna í þeim efnum.

Þeir höfðu bankað á dyrnar á lokamínútunum og fundu loks sigurmarkið. Tommy Doyle náði ekki nægilega góðri snertingu á boltann en Jimenez var réttur maður á réttum stað og þrumaði honum í netið eftir að hafa komið inn af bekknum.

Risastórt mark í annars bragðdaufum leik. Úlfarnir unnu þar með sinn þriðja leik á tímabilinu og eru komnir með ellefu stig eftir sex leiki, auk þess sem þeir eiga leik til góða. Með sigri í þeim leik gætu þeir mögulega tyllt sér á toppinn.