Það er dagskrá í íslenska boltanum um helgina þar sem undirbúningstímabilið fer af stað.
Tveir leikir fara fram í Bose-mótinu þar sem Evrópufarar Víkings R. eiga spennandi heimaleik við FH í hádeginu núna á laugardaginn.
KR spilar svo við Aftureldingu eftir hádegi og eru þetta einu leikirnir sem fara fram utandyra.
Á sunnudaginn er stíf dagskrá innandyra þegar C-riðill Íslandsmótsins í Futsal verður kláraður.
Stórveldi Ísbjarnarins er í riðlinum og vermir toppsætið sem stendur, með fullt hús stiga eftir þrjár umferðir.
Fyrstu þrjár umferðirnar fóru fram í Digranesi í Kópavogi en seinni umferðirnar verða leiknar á Hvolsvelli, þar sem Rangæingar eru til húsa. KFR er í öðru sæti riðilsins og þarf meðal annars sigur gegn ríkjandi Íslandsmeisturum Ísbjarnarins til að eiga möguleika á að taka toppsæti riðilsins.
Laugardagur
12:00 Víkingur R. - FH (Víkingsvöllur)
13:00 KR - Afturelding (KR völlur)
Sunnudagur
13:00 Sindri - KFR
13:35 Árbær - Ísbjörninn
14:30 Árbær - Sindri
15:05 Ísbjörninn - KFR
16:00 Sindri - Ísbjörninn
16:35 KFR - Árbær
Athugasemdir
