Ruben Selles hættir með Reading og tekur við Hull (Staðfest)

Selles tekur við Hull af Tim Walter sem var látinn fara í lok nóvember eftir slakt gengi á tímabilinu.

Spánverjinn gerði tveggja og hálfs árs samning við Hull sem á síðan möguleika á að framlengja samninginn um ár til viðbótar.

Reading var ekki lengi að tilkynna arftaka Selles en Noel Hunt, fyrrum leikmaður félagsins, samdi við félagið til 2027.

Stuðningsmenn Reading kannast vel við Hunt sem spilaði með liðinu frá 2008 til 2013. Hann hefur undanfarið þjálfað U21 árs liðið og er að taka við aðalliðinu í annað sinn á ferlinu, en hann stýrði því til bráðabirgða undir lok tímabils 2022-2023.

Hull er í 22. sæti ensku B-deildarinnar með 15 stig á meðan Reading er í 6. sæti C-deildarinnar með 30 stig.