Þórsarinn Jakob Franz Pálsson er á láni hjá ítalska félaginu Venezia.
Hann er á láni út þetta ár og ítalska liðið er með forkaupsrétt á meðan lánssamningnum stendur. Jakob æfir og spilar með U19 ára liði félagsins og hefur skorað tvö mörk frá því hann hélt til Ítalíu í febrúar.
Jakob á að baki 11 unglingalandsleiki og tólf leiki með Þór í næstefstu deild.
Hann er á láni út þetta ár og ítalska liðið er með forkaupsrétt á meðan lánssamningnum stendur. Jakob æfir og spilar með U19 ára liði félagsins og hefur skorað tvö mörk frá því hann hélt til Ítalíu í febrúar.
Jakob á að baki 11 unglingalandsleiki og tólf leiki með Þór í næstefstu deild.
Jakob mun ekki leika með Þór í sumar. Orri Freyr Hjaltalín, þjálfari Þórs, var í vikunni í sérstökum upphitunarþætti fyrir tímabilið í Þórs Podcastinu. Hann tjáði sig þar um Jakob.
„Skilaboðin frá Venezia hafa verið mjög jákvæð, hann hefur staðið sig mjög vel úti og ég tel allar líkur á því að hann verði keyptur og það hugsanlega í sumar."
„Það eru bara frábærar fréttir en auðvitað slæmt að missa hann. Þetta er feikilega öflugur strákur sem er með íþróttaeiginleika sem eru tiltölulega sjaldséðir á Íslandi. Þetta yrði góð viðurkenning fyrir okkur ef við náum að selja hann. Vonandi náum við að selja fleiri á næstu árum."
„Þú getur verið rosalega fljótur að koma þér undir radarinn hjá þessum félögum úti. Í félagi eins og Þór, ef þú ert duglegur og ert góður þá ertu byrjaður að spila mjög snemma. Það vekur alltaf athygli ef 16-18 ára pjakkar eru farnir að spila í næstefstu deild," sagði Orri.
Hlusta má á þáttinn með því að smella hér.
Þór mætir Gróttu í fyrstu umferð Lengjudeildarinnar á útivelli klukkan 18:00 í kvöld. Hægt er að fylgjast með leikjum í þeirri deild á lengjudeild.is.
Athugasemdir