Rodgers: Vardy getur komið okkur í Meistaradeildina

Vardy varð á dögunum fyrsti leikmaður í sögu Leicester til þess að skora 100 mörk eða fleiri í ensku úrvalsdeildinni. Rodgers hefur hrósað Vardy mikið.

„Þetta er einstök saga með Vardy og hann er svo spennandi leikmaður," sagði Rodgers um Vardy.

„Hreyfingar hans og hraði hræðir liftóruna úr fólki. Þegar við spilum á útivöllum og Vardy færi sendingu inn fyrir vörnina þá finnur maður fyrir ótta hjá stuðningsmönnum andstæðingins. Hann er svo fljótur og banvænn."

„Það er mjög auðvelt að þjálfa Vardy. Hann er með frábært hugafar og hann elskar fótbolta. Hann mætir á allar æfingar með bros á vör."

Leicester er þremur stigum á undan Manchester United sem situr í fimmta sæti deildarinnar. Ljóst er að það er hörku barátta framundan um sæti í Meistaradeildinni.