Stjarnan tók á móti Víking R. í Garðabænum í kvöld í 15.umferð Pepsi Max deildar karla. Stjarnan vann að lokum 2-1 sigur eftir að hafa komist 2-0 yfir snemma í síðari hálfleik eftir markalausan leik fyrir hlé. Rúnar Páll þjálfari Stjörnunnar var að vonum sáttur með sigurinn eftir þrú jafntefli í röð í deildinni.
„Jú það er mjög góð tilfinning að vinna loksins fótboltaleik. Fannst við spila leikinn feykilega vel fram að 2-1 markinu. Skorum tvö góð mörk og aðdragandinn að vítinu var mjög flottur. Fengum fullt af góðum upphlaupum í fyrri hálfleik sem við náðum ekki nýta" Sagði Rúnar Páll meðal annars.
„Jú það er mjög góð tilfinning að vinna loksins fótboltaleik. Fannst við spila leikinn feykilega vel fram að 2-1 markinu. Skorum tvö góð mörk og aðdragandinn að vítinu var mjög flottur. Fengum fullt af góðum upphlaupum í fyrri hálfleik sem við náðum ekki nýta" Sagði Rúnar Páll meðal annars.
Stjarnan kallaði Elís Rafn til baka úr láni frá Fjölni á dögunum og þá verða einnig fleiri breytingar í Garðabænum á næstunni „Heiðar fer. Hann spilar leikinn á móti KA og síðan fer hann út í nám og klárar síðasta árið sitt úti. Eftir það er hann alkominn heim næsta vor. Elís Rafn var fenginn hingað með því markmiði að geta leyst þetta af. Hjálpað okkur við þessa bakvarðastöðu og hafsentastöðu. Hann kemur ferskur inn. Búinn að spila vel í sumar og hann mun hjálpa okkur í lokabaráttunni. Það er ljóst" Sagði Rúnar Páll.
Nánar er rætt við Rúnar í viðtalinu hér fyrir ofan. Þar er hann meðal annars spurður út í stöðuna á hópnum og baráttuna sem framundan er.
Athugasemdir