Fred hefur spilað í sjö lekjum í öllum keppnum á tímabilinu en hann hefur ekki enn skorað mark og hefur þá aðeins lagt upp eitt mark en það gerði hann í Evrópudeildinni.

Hann var keyptur frá Shakhtar á síðasta ári en hefur ekki tekist að heilla. Keown, sem er spekingur í Match of the Day á BBC, er ekki mikill aðdáandi brasilíska miðjumannsins.

„Þeir eru svo klaufalegir þegar þeir eru með boltann. Fred tildæmis, það er orðinn hálfgerður brandari þegar hann fær boltann, því hann verður að geta stjórnað honum og sent hann áfram," sagði Keown.

„Ef þetta er miðjan þá verður ekki skapað mikið á þessu tímabili," sagði hann í lokin.