Hoffenheim fær Joselu frá Real Madrid (Staðfest)

Markus Babbel, stjóri Hoffenheim, hefur verið að leita á eftir framherja til að auka breiddina fram á við og hefur hann nú fengið þann liðsstyrk sem hann var eftir á.

Hinn 22 ára gamli Spánverji kom fyrir óuppgefna upphæð, en hann spilaði fyrir varalið Madrídarliðsins í vetur og skoraði þar 26 mörk í þriðju efstu deild. Hann lék einn leik fyrir aðallið Real Madrid.

Joselu er uppalinn hjá Celta Vigo og gekk í raðir Spánarmeistarana sumarið 2009. Hann hafði verið orðaður við West Ham í sumar.