Man Utd ætlar að selja Antony - Zirkzee til Arsenal?
   fös 08. september 2023 12:30
Elvar Geir Magnússon
Pistill: Pistlar á Fótbolta.net eru viðhorf höfundar og þurfa ekki endilega að endurspegla viðhorf vefsins eða ritstjórnar hans.
Þurfa að sýna að þeim er alvara
Elvar Geir Magnússon
Icelandair
Frá Lúxemborgarvellinum þar sem spilað verður í kvöld.
Frá Lúxemborgarvellinum þar sem spilað verður í kvöld.
Mynd: Jónína Guðbjörg Guðbjartsdóttir
Mynd: Jónína Guðbjörg Guðbjartsdóttir
Í kvöld fer fram landsleikur Lúxemborgar og Íslands í undankeppni EM. Lúxemborg er sýnd veiði en ekki gefin, klisja sem raunverulega á við í þessu tilfelli.

Ísland hefur sett stefnuna á að komast á EM og þó byrjunin í þessum riðli hafi alls ekki verið góð þá er opinbert markmið enn að komast á EM. Til að eiga möguleika á því í gegnum riðilinn verður að vinnast sigur í kvöld og Age Hareide hefur sagt að auðvitað verði sótt til sigurs.

Tvö efstu liðin komast á EM en ef við náum ekki öðru sætinu eru miklar líkur á því að önnur leið opnist í gegnum umspil Þjóðadeildarinnar. Hugsum um það síðar.

Síðasti gluggi var ótrúlega svekkjandi, spilamennskan góð en skilvirknin lítil og tveir ósigrar á Laugardalsvelli staðreynd.

Í kvöld er rétti tíminn fyrir landsliðið að sýna og sanna að þeim er alvara með því markmiði að koma sér á EM í Þýskalandi. Sýna og sanna að það er ekki langt í næstu þátttöku á stórmóti. Sýna með verki að þetta eru ekki bara orðin innantóm heldur eru menn klárir í verkefnið og hafa trú á því.

Þó það sé brekka í riðlinum þurfum við að komast á einhverja siglingu ef umspilið verður staðreyndin í mars. Ísland þarf að vera komið á smá sigurbraut og með þá tilfinningu sem einkenndi liðið fyrir nokkrum árum til að eiga möguleika á að vera með í Þýskalandi.

Ef menn ætla að eiga breik í einhverju umspili í mars, þurfa menn að vera komnir á einhverja sigurbraut. Kunna að vinna leiki, þekkja þá tilfinningu með landsliðinu.

Sigur í kvöld sendir út réttu yfirlýsinguna. Sigur er það eina sem kemur til greina og þó uppgangur sé í fótboltanum í Lúxemborg er það afsökun sem ekki verður tekin gild í kvöld ef sigur vinnst ekki.
Athugasemdir
banner
banner
banner