Dræm miðasala hefur verið á leik Íslands og Sviss í Þjóðadeildinni næstkomandi mánudag. Leikurinn fer fram á Laugardalsvelli.
Á miðvikudag í síðustu viku var greint frá því að aðeins 2000 miðar væru seldir.
Síðustu ár hefur verið fljótt að seljast upp hjá A-landsliði karla en það er ekki raunin núna. Gengið hefur ekki verið það besta upp á síðkastið en liðið vann síðast alvöru leik gegn Kosóvó í undankeppni HM í október á síðasta ári.
Guðni Rúnar Gíslason, hagfræðingur og fyrrum blaðamaður á Viðskiptablaðinu, veltir því fyrir sér á Twiter hvers vegna miðasalan á leikinn gegn Sviss hefur verið svona dræm.
„Smá innlegg um dræma miðasölu hjá fótboltalandsliðinu. Fyrir utan smá lægð þá er miðaverð einfaldlega of hátt. Klárt ofmat hjá KSÍ á hvað fólk er tilbúið að borga," segir hann.
„Þetta snýst því ekki um að fólk sé að snúa baki við liðinu. Miðarnir eru bara of dýrir fyrir vöruna sem KSÍ er að selja."
Miðarnir eru seldir á Tix.is en í verðlýsingu þar segir:
Þrjú miðaverð eru í boði og eru þau þessi:
7.500
5.500
3.500
50% afsláttur verður í boði fyrir börn.
Smá innlegg um dræma miðasölu hjá fótboltalandsliðinu. Fyrir utan smá lægð þá er miðaverð einfaldlega of hátt. Klárt ofmat hjá KSÍ á hvað fólk er tilbúið að borga.
— Gudni Runar Gislason (@GudniGislason) October 6, 2018
Sama verð er núna og var á upphitunarleikjum fyrir HM og hærra en í undankeppni HM2018 og EM2016. Þar fyrir utan er Þjóðadeildin ekki sama vara og EM eða HM og kemur í stað æfingaleikja. Það var t.d. lægra miðaverð á umspilsleikina á móti Króatíu fyrir HM en leikinn á móti Sviss.
— Gudni Runar Gislason (@GudniGislason) October 6, 2018
Þetta hefði mögulega gengið ef við hefðum dregist á móti meira spennandi þjóðum. Sviss er ekki Spánn eða England. Bottom line: KSÍ er að sjá hámark á hvað hægt er að rukka fyrir miðana.
— Gudni Runar Gislason (@GudniGislason) October 6, 2018
Þetta snýst því ekki um að fólk sé að snúa baki við liðinu. Miðarnir eru bara of dýrir fyrir vöruna sem KSÍ er að selja.
— Gudni Runar Gislason (@GudniGislason) October 6, 2018
Athugasemdir