Birkir Bjarnason og Lionel Messi á HM 2018.
KSÍ hefur staðfest að íslenska landsliðið mun mæta Argentínu í vináttulandsleik á Jordan-Hare leikvangnum í Auburn, Alabama í Bandaríkjunum þriðjudaginn 9. júní.
Þetta verður heldur betur áhugavert verkefni. Leikurinn verður síðasti leikur ríkjandi heimsmeistara Argentínu í undirbúningi sínum fyrir HM 2026 en Argentína er þar í riðli með Alsír, Jórdaníu og Austurríki.
Búist er við því að þetta verði síðasta heimsmeistaramót Lionel Messi, eins besta leikmanns sögunnar.
Þetta er aðeins í annað sinn sem Ísland mætir Argentínu en fyrsti leikur liðanna fór fram í lokakeppni HM 2018. Þar skildu liðin jöfn í Moskvu, 1-1, og var það Alfreð Finnbogason sem skoraði mark Íslands í leiknum. Hannes Þór Halldórsson varði víti frá Messi í leiknum eins og frægt er.
Þetta verður heldur betur áhugavert verkefni. Leikurinn verður síðasti leikur ríkjandi heimsmeistara Argentínu í undirbúningi sínum fyrir HM 2026 en Argentína er þar í riðli með Alsír, Jórdaníu og Austurríki.
Búist er við því að þetta verði síðasta heimsmeistaramót Lionel Messi, eins besta leikmanns sögunnar.
Þetta er aðeins í annað sinn sem Ísland mætir Argentínu en fyrsti leikur liðanna fór fram í lokakeppni HM 2018. Þar skildu liðin jöfn í Moskvu, 1-1, og var það Alfreð Finnbogason sem skoraði mark Íslands í leiknum. Hannes Þór Halldórsson varði víti frá Messi í leiknum eins og frægt er.
Áður en Ísland ferðast til Bandaríkjanna mætir liðið Japan á þjóðarleikvanginum í Tokýó í Japan 31. maí.
