Ekkja Jota skrifaði Robertson hjartnæmt bréf fyrir HM

Ekkja Diogo Jota, Rute Cardoso, sendi Andy Robertson hjartnæmt bréf fyrir komandi heimsmeistaramót og hvatti hann til að láta draum þeirra Jota lifa áfram á mótinu.

Jota tókst aldrei að spila á HM en hann var fjarverandi í Katar 2022 vegna meiðsla. Hann og Robertson ræddu oft þann draum um að spila á HM.

Í bréfinu, sem Robertson las upp í viðtali við FIFA, stóð að hún hafi áttað sig á því að andi Jota hafi ekki yfirgefið völlinn þegar Skotar tryggðu sér á mótið.

Hún þakkar Robertson fyrir vináttuna sem hann átti við Jota, fyrir að halda minningu hans á lofti og fyrir að taka draum hans með sér á HM.

Skotar eru að taka þátt á HM í fyrsta sinn síðan 1998 og eru í riðli með Brasilíu, Marokkó og Haítí.