2. deild kvenna: Fyrsti sigur Hamars - Birgitta með fimmu

Þrír leikir fóru í kvöld fram í 2. deild kvenna. Leikið var í Kórnum, Grindavík og á Grýluvelli í Hveragerði.

Hamar sigraði Sindra í kvöld og er það fyrsti sigur Hamars í deildinni í sumar og þar með sá fyrsti í sögunni því liðið var stofnað fyrir þessa leiktíð. Sindri komst í tvígang yfir en heimakonur komu til baka og unnu 4-2 sigur. Markaskorara má sjá hér að neðan.

Í Grindavík unnu heimakonur 6-0 stórsigur gegn Áftanesi þar sem Birgitta Hallgrímsdóttir skoraði fimm mörk. Að lokum sigraði HK lið ÍR, 3-0, í Kórnum. HK er með fullt hús stiga eftir fyrstu fjórar umferðirnar.