Ed Sheeran með einkatónleika fyrir enska landsliðið

Hinn sívinsæli tónlistarmaður Ed Sheeran heimsótti herbúðir enska landsliðsins á heimsmeistaramótinu í gærdag þar sem hann flutti nokkur lög fyrir hópinn.

Netverjar hafa margir haft gaman af viðbrögðum leikmanna og nefna þar helst John Stones og Morgan Rogers sem virtust hafa takmarkaðan áhuga á söngli Sheeran.

Ef marka má viðbrögðin eftir að hann flutti lagið, Castle on the Hill, má gefa sér það að liðið hafi þó tekið vel í tónlistarmanninn vinsæla en hann hlaut mikið lófatak frá hópnum.