09.08.18 - 18:16
Ívan Guðjón Baldursson
Luciano Vietto til Fulham frá Atletico (Staðfest)


Mynd: Getty Images


Mynd: Getty Images
Nýliðar Fulham voru að bæta Luciano Vietto við leikmannahópinn sinn rétt í þessu. Hann er þriðji leikmaðurinn sem félagið staðfestir á lokadegi félagaskiptagluggans.
Markvörðurinn Sergio Rico og bakvörðurinn Joe Bryan voru staðfestir í dag en Vietto er argentínskur sóknarmaður sem kemur á lánssamning frá Atletico Madrid.
Vietto vakti athygli á sér þegar hann gerði 20 mörk í 48 leikjum með Villarreal fyrir fjórum árum. Hann var keyptur yfir til Atletico Madrid en náði sér ekki á strik þar.
Í kjölfarið var hann lánaður til Sevilla og Valencia en þótti ekki nægilega góður og fékk minni spilatíma en hann hafði vonast eftir.
Vietto er aðeins 24 ára gamall og á fjóra leiki að baki fyrir U20 landslið Argentínu.
Það þykir augljóst að Fulham ætlar ekki að falla úr ensku úrvalsdeildinni en félagið er búið að krækja í leikmenn á borð við Jean Michael Seri og Andre Schürrle í sumar.
Vietto vakti athygli á sér þegar hann gerði 20 mörk í 48 leikjum með Villarreal fyrir fjórum árum. Hann var keyptur yfir til Atletico Madrid en náði sér ekki á strik þar.
Í kjölfarið var hann lánaður til Sevilla og Valencia en þótti ekki nægilega góður og fékk minni spilatíma en hann hafði vonast eftir.
Vietto er aðeins 24 ára gamall og á fjóra leiki að baki fyrir U20 landslið Argentínu.
Það þykir augljóst að Fulham ætlar ekki að falla úr ensku úrvalsdeildinni en félagið er búið að krækja í leikmenn á borð við Jean Michael Seri og Andre Schürrle í sumar.
