09.11.24 - 09:00
Jóhann Þór Hólmgrímsson
Sjáðu atvikið: Þjálfari Kristófers tuskaði leikmann liðsins til
Kristófer Jónsson
Mynd: Triestina
Kristófer Jónsson
Mynd: Triestina
Pep Clotet, þjálfari Triestina, var brjálaður út í leikmann liðsins þegar hann fékk að líta rauða spjaldið í tapi gegn Giana Erminio í gær.
Staðan var markalaus í hálfleik en Raimonds Krollis fékk að líta rauða spjaldið eftir rúmlega hálftíma leik.
Clotet var brjálaður út í hann en þegar Krollis labbaði skömmustulegur af velli greip Clotet harkalega í hann og tuskaði hann til.
Giana Erminio skoraði eina mark leiksins í seinni hálfleik en Triestina er á botni deildarinnar með sex stig eftir fjórtán umferðir. Kristófer Jónsson er leikmaður liðsins en hann sat allan tíman á varamannabekknum í gær. Hann hefur aðeins spilað 11 mínútur í síðustu átta leikjum.
Pep Clotet, manager of Serie C side Triestina, assaults his own player for getting sent off
byu/bigwallclimber insoccer
