Þýski markvörðurinn Manuel Neuer verður frá keppni næstu vikurnar eftir að hafa brotið rifbein.
Neuer var rekinn af velli með sitt fyrsta rauða spjald á ferlinum þegar Bayern var slegið úr þýska bikarnum af Bayer Leverkusen fyrir viku síðan. Hann var rekinn útaf á 17. mínútu og tók svo ekki þátt í 4-2 sigri gegn Heidenheim um helgina.
Neuer fékk beint rautt fyrir að hlaupa út úr vítateignum og klessa harkalega á leikmann Leverkusen. Hann rændi þannig upplögðu marktækifæri af andstæðingunum.
03.12.2024 20:39
Fyrsta rauða spjaldið sem Neuer fær á ferlinum
Neuer sýndi engin merki um það en hann hefur brotið rifbein í samstuðinu.
„Hann mun líklega ekki spila aftur á þessu ári en við búumst við honum í janúar," sagði Vincent Kompany í dag.
Bayern heimsækir Shakhtar Donetsk annað kvöld og á svo erfiða leiki við Mainz og RB Leipzig í deildinni áður en Þjóðverjar fara í jólafrí.
Neuer er 38 ára gamall og rennur út á samningi hjá Bayern næsta sumar, þegar hann verður orðinn 39 ára.
Athugasemdir
