Valencia hefur gengið afar illa á fyrri hluta tímabils og er þetta aðeins fjórði sigur liðsins eftir 18 umferðir í deildinni.

Valencia spilaði vel gegn Valladolid og skoraði Carlos Soler eina mark leiksins á 76. mínútu. Sigurinn var verðskuldaður en liðið er aðeins þremur stigum frá fallsvæðinu sem stendur.

Valladolid 0 - 1 Valencia
0-1 Carlos Soler ('76 )

Fyrr í dag vann Cadiz heimaleik gegn tíu leikmönnum Alaves og hafði Levante betur gegn Eibar.

Staðan var 1-1 hjá Cadiz og Alaves þegar gestirnir misstu Alberto Rodriguez að velli. Heimamenn nýttu sér liðsmuninn og skoruðu tvö mörk á næstu átján mínútum.

Eibar komst yfir gegn Levante en heimamenn sneru taflinu við og stóðu uppi sem sigurvegarar, 2-1.

Cadiz og Levante eru um miðja deild eftir sigrana, skammt fyrir ofan Alaves og Eibar.

Cadiz 3 - 1 Alaves
1-0 Alex ('15 )
1-1 Joselu ('23 , víti)
2-1 Anthony Lozano ('56 )
3-1 Alvaro Negredo ('68 )
Rautt spjald: Alberto Rodriguez, Alaves ('50)

Levante 2 - 1 Eibar
0-1 Takashi Inui ('51 )
1-1 Gonzalo Melero ('65 )
2-1 Jose Luis Morales ('76 )