Mirza Hasecic er genginn til liðs við Pepsideildarlið Grindavíkur frá Sindra.
Mirza er fæddur árið 1997 en hann hefur leikið með Sindra allan sinn Meistaraflokksferil. Liðið Sindri spilar á Höfn í Hornafirði.
Mirza hefur leikið 87 leiki fyrir Sindra og skorað í þeim fimmtán mörk. Hann getur leyst stöðu bakvarðar, miðjumanns og kantmanns.
Sindri rétt náði að halda sér í 3. deildinni í sumar en liðið tryggði sætið sitt undir lok mótsins. Mirza spilaði fjóra deildarleiki með Sindra á síðasta tímabilið.
Grindavík hefur fengið til sín nokkra leikmenn á undirbúningstímabilinu en miklar breytingar urðu á liðinu eftir tímabilið í fyrra. Nýr þjálfari tók til starfa sem og að nokkrir lykilmenn liðsins yfirgáfu liðið.
Athugasemdir