Fjölnir og HK áttust við í fyrstu umferð Lengjubikars karla í dag og hafði Fjölnir betur með þriggja marka sigri.

Kristófer Dagur Arnarsson, fæddur 2004, var þar atkvæðamestur með tvennu í fyrri hálfleik, áður en Daníel Ingvar Ingvarsson gerði út um viðureignina með marki eftir leikhlé.

Lokatölur urðu 3-0 og byrjar Fjölnir vel í Lengjubikarnum, en þetta var annað tap HK í tveimur leikjum eftir tap á heimavelli gegn KR á þriðjudaginn.

Fjölnir deilir toppsæti riðils 3 í A-deild karla með KR, þar sem bæði lið eiga þrjú stig.