Kristófer Ingi Kristinsson.
Adam Ægir Pálsson.
Valur hefur reynt að kaupa sóknarmanninn Kristófer Inga Kristinsson frá Breiðabliki að undanförnu.
Hermann Hreiðarsson, þjálfari Vals, var spurður út í Kristófer eftir tap gegn Þór í Lengjubikarnum í kvöld.
Hermann Hreiðarsson, þjálfari Vals, var spurður út í Kristófer eftir tap gegn Þór í Lengjubikarnum í kvöld.
Vilt þú fá Kristófer?
„Að sjálfsögðu. Annars værum við ekki að reyna við hann," sagði Hermann. „Hann er með samning hjá öðru félagi og það er ekki alveg í okkar höndum. Það eru einhverjar samningaviðræður sem ég er ekki í. Það fer einhvern veginn."
„Við erum með augun opin og það er vonandi að eitthvað komi í gegn."
Það kom fram í Dr Football hlaðvarpinu á dögunum að Valur hefði boðið Adam Ægi Pálsson í skiptum fyrir Kristófer. Hemmi var einnig spurður út í það.
„Það er bara kjaftæði því hann hefur verið frábær í þeim leikjum sem hann hefur spilað. Hann er hrikalega öflugur fótboltamaður og er ekki að fara neitt."
„Þetta er bara bull."
Athugasemdir
