Staðfestir að Gylfi sé klár í að byrja í kvöld

Sölvi Geir Ottesen, þjálfari Íslandsmeistara Víkings, staðfestir í samtali við Vísi að Gylfi Þór Sigurðsson sé klár í slaginn fyrir stórleikinn gegn Breiðabliki í kvöld.

Hjörvar Hafliðason fullyrti í Dr. Football í gær að Gylfi yrði ekki leikfær en annað hefur komið á daginn.

„Við vorum að hafa áhyggjur af því hvort þetta væri tognun hjá honum en svo er ekki. Hann er klár í að taka þátt í leiknum í dag," sagði Sölvi við Vísi.

Það er ekkert því til fyrirstöðu að hann byrji leikinn í kvöld?

„Nei,“ var stutt og hnitmiðað svar Sölva við spurningu Arons Guðmundssonar íþróttafréttamanns.