Davíð Snorri talar um íslensku leiðina - „Þá færðu alltaf verðlaun"
Fagna markinu gegn Englandi
Mynd: Fótbolti.net - Hafliði Breiðfjörð
Fagna markinu gegn Englandi
Mynd: Fótbolti.net - Hafliði Breiðfjörð
Ísland vann glæsilegan 1-0 sigur á Englandi á Wembley á föstudagskvöldið en leikur Hollands og Íslands er við það að fara af stað.
Ísland var lítið með boltann gegn Englandi en varðist gríðarlega vel, gamla góða Ísland. Davíð Snorri Jónasson aðstoðarlandsliðsþjálfari sagði í viðtali við Stöð 2 Sport fyrir leikinn að það væri mikilvægt að halda í gömlu og góðu gildin.
„Við áttum frábæran leik á Wembley og nutum þess svo sannarlega að vinna leikinn. VIð þurfum líka að vera raunsæir og þá er mikilvægt að vita fyrir hvað maður stendur. Í dag ætlum við að spila okkar íslensku leið og halda áfram að reyna vera betri í henni," sagði Davíð Snorri.
„Við munum alltaf fá verðlaun. Sjáðu færið sem Jón Dagur fær í síðasta leik, við vorum búnir að verja okkar helming samfleytt í þrjár mínútur og elska það og þá færðu alltaf verðlaun. Fyrir þá sem vilja telja sendingar, þegar við fáum verðlaunin getum við alveg spilað á milli okkar, þetta eru góðir leikmenn, taktískt, tæknilega og hugarfarslega. Þá erum við komnir í einhverjar 16-17 sendingar áður en við skorum."
