Billy Gilmour, sem hefur komið öflugur inn í lið Chelsea, hefur verið valinn í skoska U21 landsliðið.
Hann er því ekki í skoska A-landsliðinu sem tekur þátt í umspili fyrir EM 2020 síðar í mánuðinum. Skotland mætir Serbíu í undanúrslitum umspilsins.
Gilmour er 18 ára gamall og hefur hann unnið sér sæti í byrjunarliði Chelsea að undanförnu. Hann var maður leiksins í sigri gegn Liverpool í bikarnum í síðasta viku og gegn Everton í ensku úrvalsdeildinni á sunnudag.
Skotland er með fínt úrval af miðjumönnum, en það er athyglisvert að Gilmour fái ekki kallið.
„Þeir ætla að taka hann varlega inn í þetta. Þeir vilja meina að hann myndi kannski ekki fá að fara beint inn í byrjunarliðið í A-landsliðinu og því ætla þeir að hafa hann í U21-landsliðinu. Ég held að hann sé nú þegar orðinn byrjunarliðsmaður," sagði Magnús Már Einarsson í Innkastinu á Fótbolta.net á mánudag.
Athugasemdir