Síle 0 - 2 Svíþjóð
0-1 Kosovare Asllani ('83 )
0-2 Madelen Janogy ('94)
0-1 Kosovare Asllani ('83 )
0-2 Madelen Janogy ('94)
Það var hægara sagt en gert fyrir Svíþjóð að leggja Síle að velli á HM kvenna í Frakklandi í kvöld.
Svíþjóð hefur tekið þátt á öllum sjö Heimsmeistaramótum kvenna á meðan Síle er að leika á sínu fyrsta móti. Svíþjóð er í níunda sæti á heimslista FIFA á meðan Síle er 30 sætum neðar.
Svíþjóð var sterkari aðilinn, var meira með boltann og átti fleiri marktilraunir, en Síle varðist vel lengi vel.
Þegar um 20 mínútur voru eftir af leiknum þurfti að gera 40 mínútna hlé á leiknum vegna vonskuveðurs í Rennes í Frakklandi. Staðan var markalaus þegar farið var í hlé.
Eftir að liðin sneru til baka kom fyrsta markið í leiknum. Það gerði Kosovare Asllani fyrir Svíþjóð. Loksins náðu Svíar að brjóta ísinn og þær gerðu algjörlega út um leikinn með marki Madelen Janogy í uppbótartíma.
Lokatölur því 2-0 fyrir Svíþjóð sem byrja mótið á sigri. Bandaríkin og Taíland, hin liðin úr riðlinum, mætast klukkan 19:00.
Athugasemdir