KR - FH og Stjarnan - Grótta á föstudagskvöld

KSÍ vinnur að því að íslenski fótboltinn fari aftur af stað á föstudaginn. Búið er að færa til leiki í Pepsi Max-deild karla.

Stórleikur KR - FH og Stjarnan - Grótta eiga að fara fram á föstudagskvöld, 14. ágúst. Áður áttu leikirnir að fara fram á fimmtudeginum.

Það verður skammt stórra högga á milli fyrir FH og Stjörnuna sem eiga svo að mætast innbyrðis á mánudaginn næsta eins og planið er núna.

Leikur HK og Fjölnis sem átti að vera á föstudeginum hefur verið settur á sunnudag.

Enn er ekki vitað hvernig áhorfendatakmarkanir verði á komandi leikjum en mögulega verður spilað bak við luktar dyr.