banner
   þri 11. ágúst 2020 07:30
Brynjar Ingi Erluson
Sanchez meiddist í gær - Gæti misst af undanúrslitunum
Alexis Sanchez
Alexis Sanchez
Mynd: Getty Images
Sílemaðurinn Alexis Sanchez meiddist í 2-1 sigri Inter á Bayer Leverkusen er liðið skaut sér áfram í undanúrslit Evrópudeildarinnar en það ríkir óvissa með þátttöku hans í undanúrslitunum.

Sanchez eyddi tímabilinu á láni hjá Inter frá Manchester United áður en ítalska félagið keypti hann á dögunum.

Hann var ekki með Inter í 16-liða úrslitunum á dögunum en kom inná sem varamaður á 64. mínútu í gær.

Sanchez meiddist undir lok leiksins og þurfti að fá aðhlynningu og gat því ekki klárað leikinn.

Það ríkir mikil óvissa hvort hann verði með í undanúrslitum keppninnar en liðið mætir Basel eða Shakhtar Donetsk eftir sex daga.
Athugasemdir
banner
banner