mið 11. september 2019 13:30
Magnús Már Einarsson
Manchester United hafði samband við Inaki Williams
Mynd: Getty Images
Inaki Williams, framherji Athletic Bilbao, segist hafa fengið fyrirspurn frá Manchester United áður en hann gerði nýjan samning við spænska félagið.

Hinn 25 ára gamli Williams skrifaði undir níu ára samning við Athletic Bilbao á dögunum og er hæstánægður hjá félaginu.

Williams var orðaður við Manchester United í sumar og hann hefur staðfest að félagið sýndi áhuga.

„Manchester United hafði samband en ég get ekki sagt ykkur hver það var sem hafði samband frá félaginu," sagði Williams.

„Mitt fyrsta val var alltaf að vera áfram hjá Athletic og að ljúka ferlinum hér."
Athugasemdir
banner
banner
banner