Fimm í banni í lokaumferð Lengjudeildarinnar

Fimm leikmenn og einn aðstoðarþjálfari verða í banni þegar lokaumferð Lengjudeildarinnar verður spiluð á laugardag.

Aron Kristófer Lárusson, leikmaður HK, tekur út seinni leik sinn í leikbanni eftir að hafa fengið sitt annað rauða spjald í sumar í þarsíðustu umferð. Sömu sögu er að segja af Nemanja Pjevic, aðstoðarþjálfara Leiknis, sem verður ekki á hliðarlínunni á laugardaginn.

Nacho Gil, miðjumaður Selfoss, verður ekki með Selfossi gegn Keflavík. Árni Salvar Heimisson, leikmaður Grindavíkur verður ekki með gegn grönnunum í Njarðvík, Kristófer Dagur Arnarsson verður ekki með Fjölni gegn Leikni og Steinþór Freyr Þorsteinsson verður ekki með Völsungi gegn HK.