Rúnar Alex í leiknum í kvöld.
„Ég er mjög sáttur með að hafa geta hjálpað liðinu í fyrri hálfleik og er ánægður með þetta," sagði Rúnar Alex Rúnarsson sem lék fyrri hálfleik í marki Íslands í 2-2 jafnteflinu við Frakka í kvöld og hélt hreinu sinn tíma.
Lestu um leikinn: Frakkland 2 - 2 Ísland
„Að halda hreinu og gefa vörninni smá öryggi er það sem ég vil alltaf gera og ég er ánægður með að það hafi heppnast hjá mér í kvöld."
Rúnar Alex varði frábærlega frá Dembele í fyrri hálfleiknum.
„Það var góð varsla, ég var búinn að sjá að sendingin var að koma og ákvað að gambla smá með því að leggja aðeins fyrr af stað. Það skilaði sér þarna og var mjög ánægjulegt."
Nánar er rætt við Rúnar Alex í sjónvarpinu að ofan. Þar ræðir hann að liðið hafi svarað eftir leikina í september sem töpuðust stórt.
„Við sýndum að við erum ekkert hættir og við ætlum að byggja ofan á þetta. Það er glatað að hafa misst þetta niður en við vorum að spila á móti Heimsmeisturunum og fyrirfram hefðu allir tekið 2-2 jafntefli."
Athugasemdir
