Tveir æfingaleikir fóru fram í dag þar sem tvö Pepsi Max-lið mættu til leiks gegn tveimur Inkasso-liðum.
Í Kórnum höfðu nýliðarnir í Pepsi Max-deildinni betur gegn Þrótti R. með sigurmarki frá Arnþóri Ara Atlasyni, sem er uppalinn Þróttari.
HK og Þróttur R. léku saman í Inkasso-deildinni í fyrra og voru saman í toppbaráttunni en HK komst upp.
Njarðvík lagði þá Grindavík í hörku Suðurnesjaslag þar sem hvorki meira né minna en sjö mörk voru skoruð. Grindvíkingar komust tveimur mörkum yfir snemma leiks í Reykjaneshöllinni en Njarðvík minnkaði muninn fyrir leikhlé og staðan 1-2.
Staðan var orðin 1-3 snemma í síðari hálfleik en Njarðvíkingar sneru taflinu við og stóðu uppi sem sigurvegarar, 4-3.
Grindavík gerði gott mót í Pepsi Max-deildinni fyrri hluta síðasta sumars en tók að dala seinni hluta. Njarðvík endaði um miðja Inkasso-deild með 27 stig.
HK 1 - 0 Þróttur R.
1-0 Arnþór Ari Atlason
Njarðvík 4 - 3 Grindavík
0-1 Alexander Veigar Þorsteinsson, víti
0-2 Marc McAusland
1-2 Kenneth Hogg
1-3 Marc McAusland
2-3 Krystian Wiktorowicz
3-3 Andri Fannar Freysson
4-3 Krystian Wiktorowicz
Athugasemdir
