Anna María í tveggja leikja bann fyrir að rífa í hár

Atvikið átti sér stað í 1-0 sigri Stjörnunnar gegn ÍBV fyrir tíu dögum síðan.

Anna María er fyrirliði Stjörnunnar og náðist það á upptöku þegar hún reif í hárið á Caeley, en dómarateymi leiksins sá ekki atvikið.

Það er mat nefndarinnar að um alvarlegt agabrot sé að ræða þar sem Anna María sýndi hættulega og óíþróttamannslega hegðun.

Anna missir af heimaleik gegn Val og útileik gegn Tindastóli og gæti hennar verið sárt saknað enda lykilleikmaður í sterku liði Garðbæinga.

Lestu úrskurðinn í heild sinni