FH tapaði sínum þriðja leik í röð þegar liðið beið lægri hlut gegn Víkingum í Pepsi Max-deildinni í dag. FH-ingum gekk erfiðlega að skapa sér færi í Fossvoginum og uppskera liðsins alls ekki eftir væntingum.
Lestu um leikinn: Víkingur R. 2 - 0 FH
„Við verðum að gera betur í komandi leikjum, það er alveg ljóst. Við erum ryðgaðir og langt síðan við spiluðum en það er engin afsökun," sagði Logi Ólafsson, þjálfari FH, eftir leikinn.
Er hann bjartsýnn á að FH nái vopnum sínum og nái að klífa upp töfluna?
„Já ég er það," sagði Logi og sagði að ákvarðanatökur FH á síðasta þriðjungi hafi ekki verið nægilega góðar í leik dagsins.
Logi var spurður út í að FH hefði ekki náð að vinna leik síðan 17. maí.
„Þú getur talið daga, þú áttar þig á því að Íslandsmótið lá niðri? Takturinn var ágætur á liðinu í byrjun móts en nú hafa komið þrír tapleikir, leiðin hlýtur að liggja upp á við."
Athugasemdir