12.08.20 - 13:30
Magnús Már Einarsson
Halldór Kristinn í Reyni S. (Staðfest)
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
Varnarmaðurinn Halldór Kristinn Halldórsson hefur tekið fram skóna og gengið til liðs við Reyni Sandgerði í 3. deildinni.
Hinn 32 ára gamli Halldór lagði skóna á hilluna eftir tímabilið 2017 með uppeldisfélagi sínu Leikni.
Halldór á 94 leiki að baki í efstu deild og 132 leiki í næstefstu deild en auk Leiknis hefur hann spilað þar með Val og Keflavík.
Í fyrra spilaði Halldór nokkra leiki með KB í 4. deildinni en hann hefur nú ákveðið að taka slaginn með Sandgerðingum út tímabilið í 3. deildinni.
Þá greinir Ásríðan frá því á Twitter að miðjumaðurinn öflugi Sigurbergur Elísson sé einnig að fara að taka fram skóna til að spila með Reyni út tímabilið.
Reynir er með fimm stiga forskot á toppi 3. deildarinnar en liðið mætir KV á mánudaginn á heimavelli.
Halldór á 94 leiki að baki í efstu deild og 132 leiki í næstefstu deild en auk Leiknis hefur hann spilað þar með Val og Keflavík.
Í fyrra spilaði Halldór nokkra leiki með KB í 4. deildinni en hann hefur nú ákveðið að taka slaginn með Sandgerðingum út tímabilið í 3. deildinni.
Þá greinir Ásríðan frá því á Twitter að miðjumaðurinn öflugi Sigurbergur Elísson sé einnig að fara að taka fram skóna til að spila með Reyni út tímabilið.
Reynir er með fimm stiga forskot á toppi 3. deildarinnar en liðið mætir KV á mánudaginn á heimavelli.
SKÚBB! Sandgerðingar ætla að spila í 2.deild 2021. Sigurbergur Elísson tekur einnig fram skóna á ný og klárar með þeim tímabilið, risa fréttir úr Sandgerði síðustu daga! #ástríðan #fotboltinet
— Ástríðan Podcast (@AstriPodcast) August 12, 2020
