Fotbolti.net
12.09.17 - 18:32
Þórarinn Jónas Ásgeirsson

Hodgson tekinn við Crystal Palace (Staðfest)

Hodgson gerði tveggja ára samning við Palace.

Hodgson gerði tveggja ára samning við Palace.

Canon

Mynd: Getty Images

Roy Hodgson er tekinn við sem knattspyrnustjóri hjá enska úrvalsdeildarfélaginu Crystal Palace. Frank de Boer var rekinn frá félaginu í gær og hafa Palace verið snarir í snúningum og eru búnir að ráða nýjan stjóra.

Hodgson sagði í samtali við Sky Sports að hann hefði fundað með Palace í dag en ekkert hefði verið skrifað undir þó enn. Steve Parish, stjórnarformaður Palace, fór þó á Twitter stuttu seinna og tilkynnti Hodgson sem nýjan stjóra félagsins.

De Boer var rekinn frá Palace í gær eftir 1-0 tap liðsins fyrir Burnley á sunnudag. Undir stjórn de Boer tapaði Palace öllum fjórum deildarleikjum sínum en hann enntist aðeins 77 daga í starfi hjá Lundúnaliðinu.

„Ég vona að við séum nálægt því að klára þetta. Þetta er frábært tækifæri fyrir mig að snúa aftur í leikinn sem ég elska og taka við liði sem ég hef dáðst af, líkað og stutt í gegnum tíðina,\" sagði Hodgeson í viðtali við Sky.

„Þetta er góður dagur fyrir mig, ég er mjög ánægður og hlakka til að komast til vinnu og reyna að hjálpa liðinu að ná í stig og klifra upp töfluna.\"

Hodgson þjálfaði síðast enska landsliðið en sagði starfi sínu lausu þar eins og frægt er orðið eftir tap fyrir Íslandi í 16-liða úrslitum á EM síðasta sumar.

Warm welcome \'back\' to #cpfc to Roy Hodgson. @ Crystal palace FC training ground https://t.co/54DmIKYVgi

— Steve Parish (@CEO4TAG) September 12, 2017

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.