Miðasala á landsleik U21 gegn Tékklandi í umspili fyrir lokakeppni EM 2023 er hafin á tix.is.
Leikurinn fer fram föstudaginn 23. september á Víkingsvelli og hefst hann kl. 16:00. Liðin mætast svo í síðari leiknum þriðjudaginn 27. september á Stadion Strelecky ostrov í Ceske Budejovice í Tékklandi.
Sigurliðið í einvíginu fær sæti í lokakeppni EM 2023, sem haldin verður í Georgíu og Rúmeníu 21. júní - 8. júlí.
Ísland endaði í öðru sæti síns riðils eftir mikla baráttu við Grikkland á meðan Tékkland endaði aðeins þremur stigum á eftir Englandi í sínum riðli.
Athugasemdir