Frakkar æfðu á Laugardalsvelli í kvöld.
Franska landsliðið æfði á Laugardalsvelli í kvöld, sólarhring áður en Ísland og Frakkland leika í undankeppni HM.
Haukur Gunnarsson, ljósmyndari Fótbolta.net, mætti með myndavélina á æfinguna og meðfylgjandi eru myndir frá honum.
Adrien Rabiot, miðjumaður AC Milan, tók ekki þátt í æfingunni en Didier Deschamps, landsliðsþjálfari Frakka, segir að ekki sé tekin nein áhætta með Rabiot eftir að hann fékk högg á kálfann.
Rabiot var í líklegu byrjunarliði Frakklands sem Fótbolti.net birti í morgun en Eduardo Camavinga eða Khephren Thuram kemur væntanlega inn í byrjunarliðið ef hann er ekki klár í slaginn. Deschamps gaf ekkert upp um hvort Rabiot ætti möguleika á að spila á morgun.
Haukur Gunnarsson, ljósmyndari Fótbolta.net, mætti með myndavélina á æfinguna og meðfylgjandi eru myndir frá honum.
Adrien Rabiot, miðjumaður AC Milan, tók ekki þátt í æfingunni en Didier Deschamps, landsliðsþjálfari Frakka, segir að ekki sé tekin nein áhætta með Rabiot eftir að hann fékk högg á kálfann.
Rabiot var í líklegu byrjunarliði Frakklands sem Fótbolti.net birti í morgun en Eduardo Camavinga eða Khephren Thuram kemur væntanlega inn í byrjunarliðið ef hann er ekki klár í slaginn. Deschamps gaf ekkert upp um hvort Rabiot ætti möguleika á að spila á morgun.
Það vantar nokkur stór nöfn í franska hópinn, þar á meðal sjálfan Kylian Mbappe sem er mættur aftur til Real Madrid eftir að hafa farið meiddur af velli gegn Aserbaídsjan. Eftir að hafa fylgst með hluta æfingarinnar í kvöld telja franskir fjölmiðlar að Jean-Philippe Mateta, sóknarmaður Crystal Palace, verði fremsti maður Frakka á morgun.
Líklegt byrjunarlið Frakka sem L'Equipe birti í kvöld:
Maignan (f) - Koundé, Saliba, Upamecano, Digne - Ma. Koné, Rabiot eða Camavinga - Akliouche eða Olise, Olise eða Thauvin, Nkunku - Mateta
Didier Deschamps, landsliðsþjálfari Frakklands.
Kylian Mbappe er ekki með Frökkum í leiknum svo markvörðurinn Mike Maignan verður með fyrirliðabandið.
Byrjar Jean-Philippe Mateta gegn Íslandi?
William Saliba, varnarmaður Arsenal.
Búist er við því að bakvörðurinn Lucas Digne byrji.
Maghnes Akliouche, leikmaður Mónakó.
Eduardo Camavinga, leikmaður Real Madrid.
Michael Olise, leikmaður Bayern München.
Hugo Ekitike leikmaður Liverpool gæti byrjað á morgun.
Landslið karla - HM 2026
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Frakkland | 6 | 5 | 1 | 0 | 16 - 4 | +12 | 16 |
| 2. Úkraína | 6 | 3 | 1 | 2 | 10 - 11 | -1 | 10 |
| 3. Ísland | 6 | 2 | 1 | 3 | 13 - 11 | +2 | 7 |
| 4. Aserbaísjan | 6 | 0 | 1 | 5 | 3 - 16 | -13 | 1 |
Athugasemdir
