Birkir Valur ræddi við tvö önnur lið.
Með fyrirliðabandið í bikarleik í upphafi tímabils.
„Nei, í rauninni ekki. Ég ræddi aðeins málin annars staðar, spjallaði við tvö önnur lið en að lokum var þetta nokkuð einföld ákvörðun að skrifa undir aftur hjá HK. HK hjartað er sterkt, maður hefur verið þarna frá því maður var fimm ára pjakkur, það slær hart," sagði Birkir Valur Jónsson, leikmaður HK, við Fótbolta.net.
Hann ákvað að framlengja samning sinn við félagið í vetur en gildur samningur var þá að renna út. Birkir er 23 ára hægri bakvörður sem hefur leikið allan sinn feril í HK fyrir utan hálft tímabil á láni hjá Spartak Trnava í Slóvakíu.
Hann ákvað að framlengja samning sinn við félagið í vetur en gildur samningur var þá að renna út. Birkir er 23 ára hægri bakvörður sem hefur leikið allan sinn feril í HK fyrir utan hálft tímabil á láni hjá Spartak Trnava í Slóvakíu.
„Auðvitað gerði það það. Það er alltaf markmiðið að vera þarna uppi og ég hef fulla trú á því að HK haldi sér þarna uppi, að við höfum lært af reynslunni þegar við fórum niður og HK stabílíseri sig í efstu deild núna."
„Menn eru mjög sáttir með að klára það sem við ætluðum að gera - fara upp. En auðvitað var annað markmiðið að vinna deildina. Fyrsta markmiðinu var náð, að fara upp aftur og það er það sem skiptir mestu máli í þessu."
„Það eru smá breytingar á leikmannahópnum núna, nokkrir góðir menn að fara, leikmenn sem hafa gert mjög flotta hluti fyrir HK, en ég hef fulla trú á því að það verði fyllt í þeirra störf og liðið verði mjög flott næsta sumar. Fínasta byrjun að taka Atla (Hrafn Andrason) inn."
„Við höfum þekkst í 10 ár, hann er flottur strákur, góður leikmaður og ég hef mikla trú á honum," sagði Birkir um liðið tímabil hjá HK og komandi tímabil í efstu deild. En hvað með hans eigið tímabil?
„Ég byrjaði svolítið hægt eins og allt liðið, spiluðum ekki voðalega vel fyrstu leikina. En svo er ég og liðið komið á fínt skrið um mitt mót, gengur vel þangað til að ég meiðist undir lokin og dett út. Það var smá svekkjandi tímapunktur því maður var á fínu skriði."
„Ég fékk grænt ljóst fyrir tveimur vikum, er orðin heill og er að koma mér aftur í gang," sagði Birkir sem viðbeinsbrotnaði í leik gegn Þór á Akureyri.
Vildi vera í efstu deild og er kominn þangað aftur
Fyrir tímabilið 2022 var Birkir orðaður í burtu frá HK, Stjarnan hafði mikinn áhuga á því að fá bakvörðinn í sínar raðir.
„Á þeim tíma var ég svekktur, ég vildi vera í efstu deild. Það voru spennandi möguleikar í boði en svo gekk það ekki upp, HK vildi ekki selja og ekkert sem ég gat gert í því. Nú er maður kominn aftur í efstu deild."
„Þetta var ekki í mínum höndum, ef ég hefði klikkað á einhverju þá hefði það verið annað. Það var ekkert í boði að vera svekkja sig eitthvað á því."
Þarf margt að gerast
Birkir fór til Slóvakíu seinni hluta árs 2020. Er hann með það bakvið eyrað að fara aftur út í svoleiðis ævintýri?
„Það er ekkert ofarlega í mínum huga, mögulega myndi ég skoða það ef það kæmi eitthvað upp. Auðvitað hefur maður áhuga á því að fara aftur út, allir fótboltamenn hafa áhuga á því að spila á hærra getustigi, en það þarf margt að gerast svo það sé einhver möguleiki," sagði Birkir sem ræddi svo nánar um tímann í Slóvakíu.
Sjá einnig:
Birkir átti að byrja bikarleik en var settur úr hóp og til hliðar á æfingum
Fínasta byrjun að taka Atla (Hrafn Andrason) inn
