Fotbolti.net
13.01.18 - 15:30
Guðmundur Aðalsteinn Ásgeirsson

Arnór Siggeirsson í Þrótt V. (Staðfest)

Arnór Siggeirsson í Þrótt V. (Staðfest)
Canon

Mynd: Þróttur V.

Þróttur Vogum hefur gengið frá samningi við Arnór Siggeirsson en þetta segir í fréttatilkynningu frá félaginu.

„Okkur til mikillar ánægju kynnum við til leiks, hinn efnilega Arnór Siggeirsson,\" segir í tilkynningunni.

Arnór sem er á 20. aldursári var með fyrirliðabandið hjá 2. flokki Fram á síðasta ári. Hann fór í gegnum allt barna- og unglingastarfið í Safamýrinni en hefur nú ákveðið að róa á önnur mið og ætlar að spila í appelsínugulu næsta sumar.
Arnór hefur æft og spilað hjá Þrótti frá því í nóvember síðastliðnum. Hann verður löglegur þegar Þróttarar mæta til leiks í deildarbikarnum innan fárra vikna.

Þróttur Vogum komst upp úr 3. deildinni undir stjórn Brynjars Gestssonar á liðnu tímabili. Brynjar lét af störfum til að taka við ÍR og var Úlfur Blandon ráðinn í hans stað. Úlfur stýrir því liðinu í 2. deildinni næsta sumar.

Ásgeir er ekki eini leikmaðurinn sem liðið hefur fengið frá Fram því félagið hefur einnig samið við Brynjar Kristmundsson og Högna Madsen sem léku með Fram í fyrra. Félagið hefur einnig samið við sóknarmanninn Ragnar Þór Gunnarsson og ljóst er að liðið ætlar sér stóra hluti á næsta tímabili.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.