Stjarnan vann verðskuldaðan 2-1 sigur gegn KR í 16-liða úrslitum Mjólkurbikarsins í kvöld. Eftir fjóra tapleiki í röð í deildinni áttu Garðbæingar flotta frammistöðu sem skilaði sigri.
Jökull Elísabetarson kom í viðtal við Fótbolta.net eftir leik.
Jökull Elísabetarson kom í viðtal við Fótbolta.net eftir leik.
Lestu um leikinn: Stjarnan 2 - 1 KR
„Mér fannst við vinna fyrir þessu og eiga þetta skilið. Við vörðumst betur sem heild. KR er virkilega vel þjálfað lið," segir Jökull.
Stjarnan komst í 2-1 í fyrri hálfleik og KR klúðraði svo víti rétt fyrir hálfleiksflautið. Árni Snær markvörður varði.
„Það var léttir, töluverðar sveiflur í lokin og smá dramatík. Mér fannst fyrri hálfleikur vera algjörlega okkar en seinni hálfleikur jafnari, þeir voru aðeins betri en við stóðum okkur vel í að standa það af okkur."
Framtíð Jökuls hefur verið talsvert í umræðunni. Var þetta mikilvægur sigur fyrir þína framtíð?
„Ég pæli ekkert í því. Ég er raunverulega ekki að pæla í því. Eina sem ég pæli í er að þessi hópur nær því út úr sér sem býr í honum. Liðið nái að gera það sem við trúum að það geti gert. Dagurinn í dag, svo kemur örugglega sólin upp á morgun og þá förum við að pæla í þeim degi."
Viðtalið er í heild sinni í sjónvarpinu hér að ofan en þar tjáir Jökull sig meðal annars um framhaldið og Emil Atlason sem skoraði tvö mörk í kvöld.
