Fotbolti.net
13.08.18 - 16:23
Elvar Geir Magnússon

David Silva hættur með spænska landsliðinu (Staðfest)

Silva í einum af 125 landsleikjum sínum fyrir Spán.

Silva í einum af 125 landsleikjum sínum fyrir Spán.

Canon

Mynd: Getty Images

David Silva, leikmaður Manchester City, hefur staðfest að hann sé hættur að leika fyrir spænska landsliðið.

Silva, sem er 32 ára, vann HM 2010 og EM 2008 og 2012 og spilaði 125 leiki fyrir Spán eftir að hafa spilað sinn fyrsta landsleik 2006.
Hann segist vera mjög stoltur af afrekum sínum með spænska liðið og að sú ákvörðun að leggja landsliðsskóna á hilluna hafi verið ein erfiðasta ákvörðun ferilsins.

„Ég lifði og dreymdi með liði sem mun aldrei gleymast,\" segir Silva.

„Ég hef eytt vikum í að íhuga þetta. Landsliðið gaf mér allt og hjálpaði mér að vaxa sem leikmaður og persóna.\"

Síðasta laugardag tilkynnti miðvörðurinn Gerard Pique hjá Barcelona að hann væri búinn að leggja landsliðsskóna á hilluna, 31 árs.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.