Fotbolti.net
13.08.18 - 07:00
Guðmundur Aðalsteinn Ásgeirsson

Guðmundur hættur þjálfun ÍR (Staðfest)

Guðmundur Guðjónsson.

Guðmundur Guðjónsson.

Canon

Mynd: Fótbolti.net - Hafliði Breiðfjörð

Kvennaboltinn
Knattspyrnudeild ÍR sendi í gærkvöldi frá sér yfirlýsingu þess að Guðmundur Guðjónsson muni ekki lengur þjálfa kvennalið félagsins. Ákvörðunin er sameiginleg.
„Stjórn knattspyrnudeildar ÍR og Guðmundur Guðjónsson hafa komist að samkomulagi um að Guðmundur láti af störfum sem þjálfari liðsins í Inkassodeild kvenna,\" segir í yfirlýsingunni.

„Ákvörðunin er sameiginleg og hefur þegar tekið gildi.\"

„Guðmundur tók við þjálfun meistaraflokks kvenna hjá ÍR haustið 2015 og hefur liðið undir hans stjórn fest sig í sessi sem eitt af sterkari liðum deildarinnar. Guðmundur hefur sinnt störfum sínum hjá félaginu af miklum metnaði. Honum eru þökkuð störf sín fyrir deildina og óskað velfarnaðar í næstu verkefnum á sviði íþróttarinnar.\"

Engilbert Ó.H. Friðfinnsson aðstoðarþjálfari liðsins mun stjórna æfingum hjá liðinu þar til nýr þjálfari tekur við

ÍR er næst neðsta sæti Inkasso-deildar kvenna með 11 stig. Næsti leikur er gegn Hömrunum um næstu helgi en sá leikur er gríðarlega mikilvægur í fallbaráttunni.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.