Augnablik steinlá í kvöld fyrir toppliði deildarinnar. Sandra Sif, fyrirliði Augnabliks, var mjög svekkt í leikslok.

Lestu um leikinn: Augnablik 1 -  7 Þróttur R.

"Mér líður mjög illa, ég þoli ekki að tapa. Það er hræðilegt að tapa svona stórt, ég hef aldrei lent í því áður svo þetta er pínu skrítið."

"Við mættum bara ekki í fyrri hálfleik, þær voru miklu sterkari en við í föstum leikatriðum og það voru alltaf fyrirgjafir og föst leikatriði sem þær voru að skora úr. Við gerðum bara ekki vel í því, eiginlega bara frekar illa."

Það var allt annað að sjá til Augnabliks í seinni hálfleik en þá fóru þær aftur í leikkerfið sem þær hafa verið að spila í sumar.

"Já við byrjuðum á að fara í nýtt leikkerfi í fyrri hálfleik sem við kunnum ekki nógu vel. Seinni hálfleikur var bara til þess að setja tóninn fyrir næsta leik og reyna að sjá hvað við getum gert í næsta leik."

Augnablik á leik gegn Tindastóli í næstu umferð. Hvernig leggst það í Söndru?

"Það leggst bara vel í mig. Við verðum að reyna að byggja ofan á þetta og reyna að klóra í nokkur stig í næstu leikjum."

Viðtalið við Söndru má sjá hér að ofan.

STUÐNINGSSVEIT
FÓTBOLTA.NET

Boltinn er að byrja aftur!

Íslenski og enski boltinn byrja aftur í júní.

Enginn fjölmiðill fjallar eins mikið um fótbolta og Fótbolti.net.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit